15. Van Leh Lei Siamtu Ka Toupa Aw

Van leh lei siamtu ka Topa aw,
Na siamsa ten hong phat uh.
Phatna kim lalna kim nang a hi,
Tangtawn a lal nang nahi.

Zingsang in vasate’n hong phat in’,
A siamtu nang hong pahtawi uh.
Kenzong nong piaksa aw toh hong phat ning,
Khat tawp dong hong phat ning

Zingkhua vakin na thupina phuang,
Sun nisa’n na vangletna,
Khuamui kai in na itna honglang,
Na vanglet na’n zelkhin zou.

14. Lamtawn In Jesu Kazui Zel Ding

Lamtawn in Jesu kajui jel ding
A hon itpa ahih manin,
Ka hondampa dia ka pomtak jiak in,
Tangtawn in Jesu kajui jel ding.

Lamtawn in Jesu ka jui jel ding,
Vangam hon tunpih ding chih ka thei hi.
Thupina toh a hongpai non chaingin,
Tangtawn in A kiangah ka khawl ding.

Lamtawn in Jesu ka jui jel ding,
Khasiangthou in honpi ding hi.
Honhih siangthou hi Amah bang ding in,
Vangam ah hih thupi kahi ding.

Lamtawn in Jesu ka jui jel ding,
Miten hon simmoh mahleh zong,
Ka hondam pa dia kapom tak ziak in,
Tangtawn in a kiang ah ka khawl ding.

13. Toupa Tungah Lungdam Ka Kou Ding

Topa’ tungah lungdam ka ko ding,
Tunno laibu sung ah ka min kigelh zo;
Amual theilo amial ngeilo ding,
Khutma pawn tawh kigelh zota.

Topa’ tungah lungdam kako ding,
Phatna biakna kong pia hi Topa;
Lungdam koh biakna kong paipih hi,
Sangpen Pa aw, ka lungdam hi.

Tuidam kiangah Tuuno kikhak bang,
Neek leh dawn silh leh teen, inn leh lo zong
A nisim in zat ding sum leh pai,
Hongsik hongpia ka Topa hi.

Topa hong hehpihna ka phat ding,
Diikding huih man ngenlo hongpiak man in;
Nitaang, khatang, dawnding tui siangthou,
A khawngkhong in hong zangsak hi.

12. Suploh Kei Ning

Mite’n Jesu nungzuihna, Lungkia in tawpsan mahleh
Ken mah pua in ka zui zel ding;
Nisim tha hong bel ka Khros guan ding in, Tou Jesu ka neizouta,
Suploh kei ning Jesu nung ka zuih man in.

Hon piaksa te bek a lungdam ka hikei hi,
Hongpiak laidingte hang zong Amin phat ing;
Tuaman in nisim in ah, vualzohna la kasa ding.
Suploh keining Jesu nung ka zuih man in.

Ka kha nuntakna ding in, Ka muh nailouh vantung gam,
Upna toh tung ding chi a kigenkhol bang,
Pasian hong kamchiam bang in, Hih leitung nna khempeuh zong,
Hong pia zou hi, chi’n upna toh ka mu ta.

11. Ni'n Tumpih Ngeilou

Zingni nou hong suahchiang,
Na hoihna honglang in,
Tungleng vasa ten namin phat in,
Nasiam mihing ten phat..
Dingzah in hongphat lou zong.
Topa aw na hoihna ni’n tumpih ngeilo

Aw Topa Pathian aw, Lungdam lua ing.
Nangbang hoih omlou simlei ah Topa aw,
Munchih, mualchih ah,
Na hoihna nibang tang hi,
Topa na chitna vang in,
Hong phat den ning.

Hun nuam hun haksa ah,
Na chitna dang ngeilou,
Na itnan kei hon leen gige hi,
Nisim in lungdam thu..
Ka hon puak theilo zong,
Hunteng in na vualzawlna kiching non pia.

Topa na hoihna leh,
Chitna ka tan jelten,
Tawpni, beini chih om ngeilo ding,
Tui suahgiat kihawt diam…
Diam bang in dai ngeilo ding,
Hongphat den ning nang non it masak vang in.

10. Aman Honpi

Aman honpi ka kipak hi!
Aw, thu, van lungmuanna a dim;
Koi ah om in bangteng hih leng,
Pathian khut in kei honpi zel.

Aman hon pii, Aman hon pii!
A khut hat in kei hon pii hi,
Amah zui muanhuai ka hi ding,
A khut hat-a a hon pii ziak.

Akal-in dahluatna bang ah,
Akal-in Eden pallun ah;
Buaina tuipi tung’ hizong leh,
Pathian khut in kei hon pii zel.

Toupa, Na khut ken ka len dia,
Phun lou leh lungkim-in om ning,
Ka hihhih ah kipakta ning,
Ka Pathian in A hon pii ziak’.

Leitung-a ka na a bei chian,
Nang ziak-a gal ka zawh chiang in,
Sihnate bang lau nawn kei ning,
Jordan kan-a Non pii ziak in.

9. Thathak Hong Guan Aw

Pa Pasian phat ding ki lawm hi
Khut te lam to kong phat hi;
To Jesu na min lian bel hi,
Liat na khem peuh nang a hi. (2v)

Khasiangtho aw hong kum suk in la,
Sa thau hong nilh aw,
Khasiangtho aw hong om pih in la;
Tha thak hong guan aw ….

Khasiangtho vang lian pa Pasian
Nang kong ki sam pha uh hi;
Khasiangtho zai tha hong dim in,
Nang mah kong lung gulh uh hi …(2v)

8. Aw Pasian Nang Lou

Aw Pasian, Nanglou lawm dang nei ke’ng,
Ka laukha zawngkhal tha hong dim ding in;
Ka dahna khempeuh hong thuakpih ding,
Nanglou lawm phazaw dang muzou ke’ng e.

Aw, hong jui ning maw, Lampi haksa mahleh,
Dawimangpa in ka lam hong khak mahleh;
Aw, hong jui ning maw, singlamteh pua in,
Na paina mun peuh ah hong jui ning maw.

Aw, ka khe in siatna lam zuan in,
Ka khutte mohna bawlna khut ahi;
Ka lungsim ngaihtuahna khempeuh zong,
Huaihamna leh gitlouhna bek ahi.

Aw, ka laukha lungleng mah si maw,
Ka taksa’n ze-etna dou zoulou a;
Pasian mai ah kilawmna neilou,
Hong zuan ing aw Toupa hong maisak aw.

7. Toupa Hon Itna Lian Hi

Toupan’ hong itna lian hi, van pan na tapa nong sawl;
Mohneilou Jesu kei mohna pua in si,
A ching lou ching in nong bawl, A khial kei siam nong tangsak,
Tua kia hilou na van khopi nong tangsak.

Hong phat ning Toupa, Na min thupi hong phat ning;
Keitang Jesu hong sih tel lamdang lua hi;
Mipil misaim tampi om, mihau mihoih tampi om;
A ching lou kei bang nong tel lungdam lua ing.

Lamet bei a ka om in, lamet na thak nong guan a;
Suan ding nei lou suan ding nang kong neih nuam lua,
Tasam a ka om nong mu, Hauhsak dan nong sinsak a,
Hiai itna lamdang a bei ngeiloi itna.

Ka kha zongkhal leh bah a, nang ngai a gilkial dangtak;
Nong muh chiang hinna tuikhuk ah nong pizel,
Suk liam a ka om nong mu, Nong tuam a nong damask man,
Halleluiah Toupa na min thupi hen.

6. Phat Ding Kilawm

Toupa Jesu ka hondampa,
Ka Pathian na hi ka bangkim;
Ka hinna Kumpipa na hi,
Ka Tanpa leh Lawm

Toupa Jesu ka Hondampa,
Nang bia in na mai hong kuun ung
Phat ding kilawm nang kia nahi,
Nang k’on bia uh hi.

Siangthou Toupa Jesu,
Na min hon phat ung;
Phatna, Thupina, Vaihawmna,
A vekin nang a ahi.
Lalna, Pahtawina, Minletna,
Tangtawn’ nang tang in,
Thupina leh thilhihtheihna;
Tangtawn in nang a ahi.

(Toupa aw Na thupilua hi)
Siangthou Toupa Jesu,
(Van nuai ah Na min thang hen!)
Na min hong phat ung;
(Lal te Lal, Kumpi te Kumpipa)
Phatna, Thupina, Vaihawmna,
(Phatding kilawm nang nahi)
A vek in nang a ahi.

5. Jesu Muan A Lungdamhuai Pen

Jesu muan a lungdamhuai pen,
A thugen khempeuh taksan;
A thuchiam-a kinga-a muan,
“Toupa’n chi hi” I chih theih

Jesu, Jesu, ka muang mahmah!
Muanhuai hi, ka chian gige!
Jesu, Jesu, manpha Jesu!
Bangkim-a Amah muan ding.

Aw, Jesu muan a lungdamhuai,
Sian nading’ A sisan muan;
Ginna mawltak-in ka bual a,
Sianna lui A sisan ah.

Aw, Jesu muan a lungdamhuai,
Kei dia hin leh khelh tawp-in;
Hinna, khawlna, nopna muanna,
Jesu ah ka mu, ka nei.

Nang kon muan theih ka lung nuam hi.
Jesu, Hondampa, ka Lawm;
Ka kiang ah na om chih ka thei,
A tawp pha’n non ompih ding.

4. Lamet Khawlna Gamnuam

Lamet khawlna gamnuam ka ngai!
Chikchiang’ ka tung ding hiam;
Chikchiang galvan ka nga ding hiam;
Lailung muang a teng in?

Jesu(Jesu) hongpai ma teng,
Sem ni(Sem ni), hong pai ma teng;
Sem ni(Sem ni), hong pai ma teng,
Huan, inn ah khawl khawm ding.

Simlei tung lailung dam omlou,
Lumbang sung om louh toh;
Hiai leitung ka inn a hilou,
Gamdai gimna gam hi.

Jesu’ kiang khawlna ka juan a,
Lampial lou di’n hon hilh;
Van inn nuam-a hon pii ding.
A angsung ka bel ding.

Hondampa kiang ka belta hi,
Lamdang ka pial kei ding;
Amah toh ton sih lau kei ning,
Ka van inn nuam tung ning.

3. Kulhpi Nahi

Topa aw kon ngen hi, Na khut in honlen in,
Na itna hoihna muthei gige din,
Simlei lungngaihna leh dahna natna lakah.
Nanga muanna kha’n hon dimsak jel in.

Nanglou in muanna omlou,
Nanglou in damna omlou,
Nanglou in ngaihdamna a omlou,
Muanna suangpi nahi, Tangtawn hinna nahi.
Kabelh leh hotdamna kulhpi nahi.

Simlei miza laiah muanna pethei omlou,
Sum leh pai, pilna, siamna haute zong
Lunglau lungmuang theilou
Simlei thawmhau den ah,
Khamuanna nanga nei mite hampha.

Chitna khatzong neilou, Hoihna khat zong neilou
Na itna lian in sang hi Toupa aw;
Man neilou a hinna hongpia Pathian hoih aw,
Nuamlua ing na tung ah lungdam lua ing.

2. Khovel a kaleensung in

Khovel a kaleensung in, Ka hindan ding hon hilh in.
Hiai khovel ka inn ahih louh dan,
Kamun ding nakiang hijaw, Ka inn ding nakiang
hijaw.
Kipak a kong tun theih na din.

Hon theisak in aw Toupa, Khovel ka leensung in;
Nadeih leh Nalung geelna;Nisim in kei hong hilh in,
Ka nunna leh kalsuan te, Toupa aw kei h ong pi in aw.

Khovel a kaleensung in, Toupa aw kei hong hilh in,
Ka deihtel nate Na eih hi din,
Na paina ka pai theih a, Na kholna a khol thei din,
Ka lungtang nang lam hei in aw.

Khovel a kaleensung in, Ka tung a ahong tungte,
Nang apan a sawl hijel hen aw;
Dahnate ka tuahni in, Nopnate ka tuah ni in,
Ka khitui nang hon sawl hihen

1. Tuailai te hun leh ni kipahhuai

Tuailaite hun leh ni kipahhuai
Aw tu in tuang i tung nawn ta a;
I hun leh nite a beima ngei in,
Toupa nna i sem ding.

Awle, i hinna Toupa kiangah,
I pia ding uh tuailai tengteng in
Mualdawn a kal in i khawnvak vak toh,
Gam mial i tanvak ding uh.

HIbang a hun hoih leh hun manpha
I damsung in i mu nawn kei ding;
I hun leh nite a beima ngei in,
Toupa nna i sem ding.

A hong it Toupa awle tu in,
Na tuailaite hon vualzawl inla;
Na thu bang zel a bangkim sem dingin,
Nang in hong panpi'n la.