Topa’ tungah lungdam ka ko ding,
Tunno laibu sung ah ka min kigelh zo;
Amual theilo amial ngeilo ding,
Khutma pawn tawh kigelh zota.
Topa’ tungah lungdam kako ding,
Phatna biakna kong pia hi Topa;
Lungdam koh biakna kong paipih hi,
Sangpen Pa aw, ka lungdam hi.
Tuidam kiangah Tuuno kikhak bang,
Neek leh dawn silh leh teen, inn leh lo zong
A nisim in zat ding sum leh pai,
Hongsik hongpia ka Topa hi.
Topa hong hehpihna ka phat ding,
Diikding huih man ngenlo hongpiak man in;
Nitaang, khatang, dawnding tui siangthou,
A khawngkhong in hong zangsak hi.
Subscribe to:
Post Comments (Atom)
No comments:
Post a Comment